لما كنت صغيرة كنت اشم حق رمضان ريحة حلوة، احسها في الجو حوالينا. أتذكر رمضان قبل ممزوج بصوت الديك وهو يأذن الفجر، وروحتي حق بيوت الجيران أوزع صحون الأكل عليهم، وآخذ منهم حق بيتنا.
الحين ماصرت اشم هالريحة الحلوة في الجو. ليش؟ شنو اللي تغير؟ رمضان تغير والا احنا تغيرنا؟ كبرنا، وداومنا، وانشغلنا.
رمضان السنة وايد متعب، قبل كنت ماحس بالوقت يمر، والحين احسه ثقيل وطويل، ومن أقوم من النوم وانا احس بالعطش لحد مافطر.
يمكن لأنه صادف أحر سنة. قريت ان الصيف في كل البلدان وصل درجات حرارة ماوصلها من قبل. وعندنا وصل الستين، وبعض المناطق عداها.
ومع هالتعب وثقل الوقت، حسيت ان رمضان مر بسرعة السنة. مر القرنقعوه وعدى، والحين ماباقي منه الا عشرة ايام تقريبا.
ولحد الحين ماشميت ريحته.
السنة الياية ان شاءالله اذا الله احيانا، باشم ريحته والا خلاص، راحت ومابترد؟
- Posted using BlogPress from my iPhone
No comments:
Post a Comment